7 أخطاء في المكياج لازم تبعدي عنها.. “ممكن تدمر أطلالتك كلها!”

في شوية أخطاء بتقع فيها كتير بنات لما بيحطوا المكياج، وبتأثر على النتيجة النهائية. هنا هقولك أشهر الأخطاء دي وازاي تتجنبيها لما تبدأي تعملي الميكاب لوك بتاعك.

1. اختيار كريم أساس بلون مش مناسب

لو كريم الأساس فاتح أو غامق عن لون بشرتك، المكياج هيبقى شكله غريب ومش طبيعي.
 جربي اللون على الفك أو الرقبة، واستخدمي إضاءة طبيعية.

2. استخدام كمية كبيرة من البودرة

البودرة مهمة لتثبيت المكياج، بس لو استخدمتيها كتير، هتخلي بشرتك باينة ناشفة ومتكتلة.
الأفضل استخدمي بودرة خفيفة بكمية قليلة ووزعيها بفرشاة كبيرة.

3. عدم دمج الكونتور كويس

الكونتور لو مش مدموج صح، هيطلع على شكل خطوط واضحة ومش طبيعية.
نصيحة: استخدمي اسفنجة مبلولة أو فرشاة دمج واعملي حركات دائرية.

4. استخدام ماسكارا كتير على الرموش

ده بيخلي الرموش متكتلة وتقيلة.
الاحسن حطي طبقة واحدة أو اتنين وباستعمال فرشاة نظيفة مشطي الرموش بين كل طبقة.

5. رسم الحواجب بشكل مبالغ فيه

الحواجب لو اتعملت بشكل مبالغ أو مش مناسب لشكل وجهك، بتخلي مكياجك شكله مش متناسق.
 استخدمي بودرة أو جل خفيف، وارسمي شعيرات خفيفة تشبه الشعر الطبيعي.

6. عدم تثبيت المكياج

لو ما استخدمتيش بخاخ مثبت المكياج، المكياج ممكن يسيب أو يتلطخ مع العرق أو الجو.
 استخدمي بخاخ مثبت بعد الانتهاء من المكياج بثواني.

7. استخدام أحمر الشفاه بدون تحديد

ده بيخلي الشفايف شكلها مش مرتب.
الافضل رطبي شفايفك قبل وضع أحمر الشفاه، واستخدمي قلم تحديد الشفايف.

لو عايزة تعرفي اكتر عن المكياج او عندك استفسارات عن مكياج مايت سينما وايه الأفضل لأستخدامك ؟
كلمينا ، وفريقنا هيساعدك توصلي للاختيار المثالي ✨